Haqqında · Miras · Dashboard

Haqqımızda mətni

Başlıq

Qısa giriş

Əsas mətn

Miras Akademiyası olaraq həm Quran müəllimlərinin, həm də öyrənməyə əzm və səylə yanaşan tələbələrin ehtiyaclarını nəzərə alaraq, bugünün tələblərinə cavab verən və gələcəyin Quran tədrisinə təməl ola biləcək fərqli bir layihə ortaya qoymağa çalışırıq.

Bu layihədə mövcud Quran mobil tətbiqlərini təkrarlamaq əvəzinə, səbr, əzm və peşəkar müəllim müşahidəsi tələb edən sistemli bir tədris anlayışını ön plana çıxardıq. Çünki layihənin əsas mesajlarından biri budur:

> Quran öyrənmək səbr, əzm və müəllim müşahidəsi tələb edir.

Miras Akademiyası qari dinləməkdə sərbəst seçim təqdim etmək əvəzinə, tələbəni doğru seçimə istiqamətləndirməyə üstünlük verir. Bu səbəbdən ilkin, orta və peşəkar səviyyələr üçün uyğun qarilər müəyyənləşdirilir və tələbəyə inkişaf mərhələsinə uyğun dinləmə istiqaməti təqdim olunur.

Məqsədimiz istifadəçiyə geniş seçim imkanı vermək əvəzinə doğru seçimi göstərməkdir.

Layihə uzun illərin tədris təcrübəsi, elmi müşahidələr və praktiki yanaşmalar əsasında hazırlanmış, tələbəni hər mərhələdə doğru istiqamətə yönəltməyi hədəfləyən sistemli bir tədris bələdçisidir.

Miras Akademiyası sadəcə Quran dinləmək üçün hazırlanmış bir platforma deyil; müəllimin rolunu qoruyan, tələbənin mərhələli inkişafını əsas götürən və texnologiyanı Quran tədrisinə xidmət edən bir vasitəyə çevirən layihədir.

## Miras Akademiyasında ilkin mərhələ nədir?

Miras Akademiyasında “ilkin mərhələ” dedikdə əlifba səviyyəsi nəzərdə tutulmur. Burada müxtəsər təcvid elminin həm nəzəri, həm də praktiki yönünü mənimsəmiş şəxslər nəzərdə tutulur.

Təcvidi bilməyən, zəif bilən və ya nəzəri qaydaları bildiyi halda onları praktik tilavətdə tətbiq etməkdə çətinlik çəkən şəxslər üçün mobil tətbiqimiz təkbaşına yetərli olmayacaq. Belə tələbələrin ilk növbədə ilkin səviyyə üzrə tələbə hazırlayan təcrübəli Quran müəlliminə müraciət etmələri tövsiyə olunur. Təcvidin nəzəri və praktiki təməli formalaşdıqdan sonra isə layihəmizin təqdim etdiyi qari siyahısından və digər təlim materiallarından mərhələli şəkildə faydalana bilərlər.

## Hafizlər üçün fərqli təkrar metodikası

Layihəmizin əsas hədəf qruplarından biri də hafizlik etdikdən sonra əzbəri zəifləyən, klassik təkrar üsulu ilə davam etməkdə çətinlik çəkən və Quranı daha praktik, maraqlı, özünü sınağa əsaslanan bir metodika ilə təkrar etmək istəyən hafizlərdir.

Bu məqsədlə təqdim etdiyimiz üç fərqli səviyyədən ibarət hərəkəsiz Quran nəşri hafizlərin öz əzbər səviyyələrini yoxlamasına imkan verir.

## Vəqf və ibtidə dəstəyi

Vəqf və ibtidə elmi Quran elmləri arasında, xüsusilə praktiki yönü etibarilə mühüm yer tutur. İstər hafizlərin, istərsə də təcvidi bilən, lakin hafiz olmayan oxucuların tilavətdə ən çox çətinlik çəkdikləri mövzulardan biri harada dayanmaq və haradan başlamaq məsələsidir.

Biz Miras Akademiyası olaraq bunu da nəzərə aldıq. Mushafdakı Səcavənd vəqf işarələri ilə kifayətlənməyərək müəyyən mövqelərə dəstəkləyici vəqf işarələri əlavə etdik.

Miras Akademiyasının məqsədi də məhz budur: Quran öyrənmə prosesində müəllimi əvəz etmək deyil, müəllimdən gələn elmi mirası müasir vasitələrlə daha əlçatan, sistemli və praktik hala gətirmək.

## Miras Akademiyası — Layihə Komandası

Layihənin ideya müəllifi və elmi rəhbəri: Yunus Əlihüseynli

İdeya · Elmi rəhbərlik · Metodika · Ümumi nəzarət Yunus Əlihüseynli

Miras Akademiyasının ümumi konsepsiyası, layihənin işləmə prinsipi və inkişaf istiqamətləri Yunus Əlihüseynli tərəfindən müəyyən edilmişdir. Layihə çərçivəsində təqdim olunan elmi materialların hazırlanması və yoxlanılması, tədris metodikasının qurulması, Quran tilavəti üzrə mərhələlərin müəyyənləşdirilməsi, qari seçimləri, vəqf–ibtidā və istināf nöqtələrinin təyin edilməsi, eləcə də tətbiqin elmi istiqamətinə dair bütün qərarlar onun rəhbərliyi və nəzarəti altında həyata keçirilib.

Paraqrafları boş sətirlə ayırın. Başlıq üçün sətri ## Başlıq kimi yazın. Sitat üçün sətri > sitat ilə başladın.

Son yeniləmə: 20.09.2026 23:37